وصلت مع ياسين قدام الفيلا القديمة، مكان مهجور بقاله سنين، الشجر مغطي الحيطان والسكوت هناك مرعب. ياسين طلع مفتاح قديم واداهوني وهو بيقول: “أنا هستناكي هنا، لازم تدخلي لوحدك وتطلعي المكتب اللي في الدور التاني.. هناك هتلاقي الحقيقة.”
دخلت والبيت كان ريحته “ماضي”.. تراب وذكريات. طلعت الدور التاني وقلبي بيدق بعنــ,,ـــــف، فتحت باب المكتب ولقيت جواب محطوط على المكتب وجمبه مفتاح خزنة صغيرة. فتحت الجواب ولقيت خط جدي اللي عارفاه كويس:
“حبيبتي سلمى.. لو بتقري الكلام ده، يبقى كريم كشف عن وشه الحقيقي، وده اللي كنت خايف منه.
الـ5 مليون مش ورث يا بنتي، دي فلوس كانت أمانة عندي من والدك الله يرحمه قبل ما يمــ,,ـــــوت في الدــ,,ـــــادثة.. والدك مات مقتول يا سلمى، والفلوس دي كانت السبب.”
وقعت من طول الصدمة، والورقة اترعشت في إيدي وأنا بكمل قراية:
“والدك كان شريك لواحد ملوش أمان، والواحد ده هو اللي دبر الدــ,,ـــــادثة عشان ياخد نصيبه في الشركة، والواحد ده يبقى (منصور)، أبو كريم جوزك! أنا لما عرفت إن كريم اتقدم ليكي، خفت أقولك الحقيقة تتدمر حياتك، فقررت أحط الشرط ده في الوصية عشان أحميكي، ولو كريم طلع ابن أصول كان هياخد الفلوس ويعيشك ملكة، لكن العرق دساس يا بنتي.”
في اللحظة دي، سمعت صوت خبط تحت.. وبعدين صوت خطوات سريعة طالعة على السلم.
قفلت الجواب بسرعة وحطيته في شنطتي، ووقفت ورا الباب وأنا ماسكة فازة قديمة.
الباب اتفتح بقوة، ودخل كريم.. بس مكنش لوحده، كانت معاه حماتي، وشخص تالت غريب، راجل عجوز ملامحه قاسية جداً.. وعرفت فوراً إنه (منصور) حمايا اللي قالوا لي إنه مات من سنين!
كريم صرخ وهو بيدور في المكتب: “فين الورقة يا سلمى؟ ياسين قالي إن جدي سابلك ورقة فيها مكان الذهب والفلوس الحقيقية.. الـ5 مليون دول فكة بالنسبة للي جدي كان شايله!”
خرجت من ورا الباب وبصيت لمنصور بذهول: “إنت عايش؟
يعني كذبتوا عليا طول السنين دي؟”
منصور ضحك ببرود وقال بصوت أجش: “العالم ده للقوي يا بنتي.. أبوكي كان طيب زيادة عن اللزوم، وجدك كان فاكر إنه لما يخبيكي ويخبي الفلوس هينجو.. بس إحنا عرفنا نوصلك، وكريم قام بالواجب وزيادة.”
كريم قرب مني وهو بيطلع مطواة من جيبه: “هاتي الورقة يا سلمى.. بدل ما ألحقك بأبوكي دلوقتي، والمرة دي مفيش ياسين يحميكي، ياسين أخد قرشين ومشي.. إنتي لوحدك!”
حماتي كانت واقفة عند الباب وبتضحك بشر: “خلص يا كريم، البت دي شافت كتير، لازم نخلص الموضوع ده ونمشي من هنا قبل ما حد يحس.”
رجعت لورا لغاية ما خبطت في الخزنة الصغيرة، وبصيت ليهم بشجاعة مكنتش أعرف إنها عندي: “إنتوا فاكرين إن جدي كان بالغباء ده؟ جدي كان عارف إنكم هتيجوا هنا..”
وفجأة، النور قطع تماماً في الفيلا.. وسمعت صوت صفارة إنذار قوية جداً بدأت تصرخ في المكان كله، وصوت ياسين طلع من مكبرات صوت مخفية في المكتب: “يا كريم، يا منصور.. الفيلا دي متراقبة بالكاميرات من لحظة ما دخلتوا، والشرطة قدام الباب دلوقتي.. وسلمى معاها زرار الطوارئ في إيدها.”
منصور وكريم اتجننوا وبدأوا يتخبطوا في الضلمة، حاولت أجري ناحية الباب، بس حماتي مسكتني من شعري وهي بتصرخ: “مش هتطلعي من هنا حية!”
وفي وسط الضلمة والصريخ، سمعت صوت طلق نــ,,ـــــاري.. وصرخة قوية هزت أركان الفيلا.
وقعت على الأرض وأنا بفتش عن الموبايل عشان أنور، ولما النور اشتغل، شفت منظر خلاني أقطع النفس.. كريم كان واقع على الأرض والدم بيسيل منه، والمسدس كان في إيد (منصور)!
بصيت لمنصور بصدمة، لقيته بيصوب المسدس ناحيتي وهو بيترعش وبيقول: “انتي السبب.. انتي اللي خبيتي الورقة!”
لكن قبل ما يضغط على الزناد، الباب اتكسر ودخلت قوة من الشرطة ومعاهم ياسين.. وفي اللحظة دي عرفت إن دي مش النهاية.. لأن ياسين بص للمحامي رفعت وقال جملة خلتني أدوخ تاني:
“اقبــ,,ـــــضوا عليهم كلهم..
بس “سلمى” لازم تيجي معانا، لأنها لسه ماتعرفش مين اللي . أبوها الحقيقي!”
بصيت لياسين بصرخة مكتومة: “قصدك إيه؟ ما منصور هو اللي .ه!”
ياسين بص للأرض وقال: “منصور كان مجرد أداة.. المحرض الحقيقي لسه بره يا سلمى.. والشخص ده موجود في حياة عيلتك من زمان جداً.”
الحكاية لسه فيها سر أكبر.. ومين الشخص اللي يقدر يحرك منصور وكريم زي العرايس؟ وليه جدي سابني أتجوز كريم وهو عارف كل ده؟
للمذيد تابعو صفحه رومانى مكرم ليصلكم القصص كامله
خرجت من الفيلا وأنا حاسة إن الدنيا بتلف بيا، كريم اتنقل للمستشفى تحت حراسة مشددة، ومنصور وحماتي اتقبــ,,ـــــض عليهم بتهمة الشروع في . والتستر على مجرم هارب. ركبت مع ياسين في العربية، وكنت ببصله وعايزة أصرخ فيه عشان يبرد نــ,,ـــــاري.
“ياسين.. انطق! مين اللي . بابا؟ ومين الشخص اللي يقدر يحرك منصور اللي مبيخافش من حد؟”
ياسين سكت شوية وهو باصص للطريق، وبعدين طلع صورة قديمة من جيبه واداهالي. كانت صورة لجدي، وجنبه شخص ملامحه مألوفة جداً.. ملامحه هي هي ملامح الشخص اللي كنت بشوفه في كل صور طفولتي.
شهقت وأنا مش مصدقة: “ده.. ده عمي صلاح؟ عمي صلاح اللي مات بعد بابا بشهرين؟”
ياسين رد بهدوء: “عمك صلاح مماتش يا سلمى.. عمك صلاح “زيّف” مــ,,ـــــوته بمساعدة منصور، ومن وقتها وهو عايش باسم تاني وبيدير كل أملاك عيلتكم من ورا الستار. جدك كان عارف، بس كان خايف يواجهه لأنه عارف إن صلاح معندوش عزيز ولا غالي، فكان بيحاول يجمع الأدلة طول السنين دي ويخبيها في وصيتك.”
قلت بذهول: “يعني إيه؟ يعني أنا كنت عايشة في كذبة كبيرة؟ وكريم؟”
ياسين كمل:
“كريم هو ابن منصور، وصلاح هو اللي رتب الجوازة دي عشان يضمن إن الفلوس تفضل تحت عينه، بس كريم طمع وكان عايز ياخد كل حاجة لنفسه ويهرب، وده اللي خلى صلاح يبعتني لجدك عشان أدخل حياتك وأحاول أحميكي من غير ما يحس.”
فجأة، ياسين وقف العربية في مكان مقطوع. قلبي بدأ يدق بسرعة. “إحنا وقفنا هنا ليه يا ياسين؟”
ياسين بصلي ونظرة عينه كانت غريبة جداً، وطلع جهاز تسجيل صغير وقال: “لأن عمك صلاح باعتلك رسالة.. وعايز يسمع ردك عليها دلوقتي.”
صوت طلع من التسجيل، صوت عميق وبارد: “سلمى يا بنتي..
أنا عارف إنك مصدومة، بس الحقيقة دايماً مرة. الـ5 مليون دول مجرد فكة من ثروة أبوكي الحقيقية اللي أنا شايلها. أنا مش عايز أئذيكي، أنا عايزك تيجي تعيشي معايا، وننسى اللي فات.. بس فيه شرط واحد.”
قلت بصوت عالي: “شرط إيه؟”
الصوت كمل: “الورقة اللي معاكي.. اللي فيها (رقم الكود) بتاع حسابات سويسرا. لو ادتيهالي، هعتبر إن كل اللي عمله كريم ومنصور غلطة وانتهت، وهعيشك ملكة.. لو رفضتي، يبقى إنتي اللي اخترتي تمشي في نفس طريق أبوكي.”
بصيت لياسين وقلتله: “وإنت يا ياسين؟ إنت معاهم ولا معايا؟”
ياسين نزل عينه في الأرض وقال: “أنا محامي يا سلمى..
وبدور على اللي يدفع أكتر. وصلاح دفع كتير أوي عشان يوصل للكود ده.”
في اللحظة دي، شفت نور كشافات عربيات جاية من بعيد وبتحاصرنا. ياسين فتح باب العربية ونزل وقال: “قرري يا سلمى.. الوقت بيخلص!”
فتحت الشنطة بتاعتي وأنا بفتش على الورقة، بس إيدي لمست حاجة تانية خالص.. لمست (مفتاح) جدي كان حاطه في جيب سري في الشنطة ومكتوب عليه: “لا تفتحي إلا في ساعة الخطر.”
